СОНУННАР
Кылаан чыпчаалы “Харбалаах уоланнара” ыллылар
04.06.2022 Артем Викторович Афанасьев "Хоһооннор" кинигэтин биһирэмэ буолла. Кинигэ ис хоһоонун ырыттым
Махтал, презентацияны ыыппыт актыыбынай Харбалаах олохтоохторугар, аймахтарбытыгар, презентацияны баһылаан, уус уран тылынан үрдүк таһымҥа ыыппыт Валентина Семеновнаҕа! Баҕарабыт үрдүктэн үрдүк ситиһиилэри, тус олоххутугар дьолу!
Саталтан Афанасьевтар
01.06.2022 ПОЛУЧИЛА ХОРОШУЮ НОВОСТЬ О ПУБЛИКАЦИИ
25.05.2022 Н.Е.МОРДИНОВ-АММА АЧЧЫГЫЙЫН ААТЫНАН ҮӨРЭХТЭЭҺИН ХОЛБОҺУГАР "ТИҺЭХ ЧУОРААН" ЧУГДААРДА!
19.05.2022 Н.Е.Мординов-Амма Аччыгыйа аатынан Харбалаахтааҕы үөрэхтээһин холбоһугар Пионерия 100 сыллаах үбүлүөйүн бэлиэтээһин үрдүк таһымҥа ааста.
Салгыы ыам ыйын 31 күнүгэр Пионерскай Кутаа тула сбор уонна туризм ыытыллара былааннанан бэлэмнэнии үлэ күргүөмнээхтик саҕаланна
27.10.2021 оскуолаҕа үөрэнэр оҕолоох СҮҮҺҮНЭН ыалга уонна уон кинигэни оскуола библиотекатыгар СПОНСОРДАР КӨМӨЛӨРҮНЭН буор босхо бэлэхтээтим
05.06.2021
"Тааттабынан киэн туттабын" төрөөбүт дойдубут ытык сирдэринэн айан бырайыага олоххо киирдэ.
Куйаар ситиминэн да буоллар ыам ыйын 23-26
күннэригэр улуус оҕолоро уонна учууталлара ытык сирдэринэн айаннаатылар. Хас биирдии оскуола нэһилиэктэрин кэрэ-бэлиэ сирдэрин, чулуу дьоннорун төрөөбүт, үөскээбит сирдэрин, ол онно турбут
өйдөбүнньүк памятниктарын туһунан кэпсээтилэр, видеоҕа устубуттарын көрдөрдүлэр.
Түмүккэ бары толкуй сурук суруйан, санаа атастаһан астыммыттарын, сэҥээрбиттэрин биллэрдилэр. Онон бырайыак салгыы сайдыа, салҕаныа диэн эрэнэбит. Бырайыак
идеологар В.С.Кривошапкинаҕа, бары тэрийээччилэргэ махтанабыт уонна дойдубут кэрэ-бэлиэ сирдэрин эһиги болҕомтоҕутугар таһаарабыт
(ссылка: https://www.instagram.com/p/CPtoe3RMi7q/?utm_medium=share_sheet)
Таатта иитэр-үөрэтэр эйгэтэ
03.06.2021
19.03.2021 Саха тылын уонна литературатын учууталларын Өрөспүүбүлүкэтээҕи түмсүүтүн бырагыраамаата
Саха Республикатын биллиилээх журналиһа Иван Васильевич Борисов сахалартан бастакы философскай наука доктора, Саха государственнай университетын ректора, профессор Авсентий Егорович Мординов туһунан кинигэтин биһирэмин 2021с. олунньу 25 күнүгэр И.А. Аргунов аатынан Ытык-Күөл киин библиотеката куйаар ситиминэн ыытта.
"КЭСКИЛ" хаһыат 2021 сыл тохсунньу 26 күнүнээҕи таһаарыыта
01.09.2020 Н.Е.Мординов-Амма Аччыгыйа аатынан Харбалаахтааҕы үөрэхтээһин холбоһугар Билии күнэ. 13 кырачаан маҥнайгы кылааска киирдэ.Кинилэри үөрэхтээһин туйгуна С.Н.Кулачикова билии киэҥ куйаарыгар сирдиэҕэ
21.01.2020 педагогическай наукалар кандидаттара Ушницкая александра егоровна УУД МОНИТОРИНын электроннай форматын көрдөрөн семинар ыытта
12-13 декабря 2019 года. Всероссийская НПК "родные языки народов россии в системе образования: современное состояние и перспективы развития"
06.12.2019 Бүгүн Харбалаахтааҕы үөрэхтээһин холбоһугар "Стратегическия сессия по разработке программы развития Харбалахского образовательного комплекса им. Н.Е. Мординова-Амма Аччыгыйа" диэн стратегическай сессия буолла. Үөрэхтээһин уонна наука министрин солбуйааччы Ньургууна Афанасьевна Соколова кыттыыны ылла
10.04.2019 саха тылын учууталларын кууруһугар, Дьокуускай-чурапчы
18.03.2019 Харбалаахтааҕы үөрэхтээһин холбоһугар орто сүһүөх кылаастарга саха тылыгар уонна литэрэтиирэтигэр улуустааҕы олимпиада буолла.Барыта 50-ча үөрэнээччи кытынна.Оҕолор үлэлиир кэмнэригэр педагог-психолог Дьяконова Василиса Ивановна учууталларга психологическай тренинг ыытта, онтон оҕолор үлэлээн бүтэн трениннээн сылайбыттарын аһаран баран, Бырааттыы Мординовтар музейдарыгар сылдьан, директор Васильева Сардана Александровна сиһилии сырдатыытын истэн, элбэҕи билэн, үөрдүлэр-көттүлэр. Бүтэһиккэ холбоһук актовай саалыгар үөрүүлээх быһыыга түмүгү истэн, кэлбит оҕолор үксүлэрэ миэстэҕэ, анал аакка тиксэн, ийэ тылларыгар умсугуйуулара дириҥээн тарҕастылар
21.02.2019 ТААТТА УЛУУҺУН ҮӨРЭҔИРИИТИН УОННА ОБЩЕСТВЕННОҺЫН ОЛУННЬУТААҔЫ МУННЬАҔА
13.02.2019 Харбалаахха Төрөөбүт тыл уонна сурук бичик күнэ
Харбалаахха Торообут тыл уонна сурук бичик кунугэр С.Р.Кулачиков-Эллэй торообутэ 115 сылыгар ананар "Мин ийэ тылым -саха тыла" тэрилтэлэр икки- ардыларыгар устуу киьилээх хамаандалар ТОК оонньууга, барыта 6 хамаанда курэхтэстилэр. Ийэ тыл кунун "Утум" хомус ансаамбыла хомус тыаьынан хонкунатан арыйдылар.Саха тыллаахтары Ус Амма ырыа курэ5ин лауреаттара Алина Николаева, Надежда Спиридонова ыллаан- туойан э5эрдэлээтилэр. ТОК -оонньууну сыл аайы Н.Е.Мординов- Амма Аччыгыйын аатынан Харбалаахтаа5ы уорэх ситимин учуутала Кривошапкина Валентина Семеновна урдук таьымна ыытар. Бу да сырыыга оонньууну олус интэриэьинэйдик, тэрээьин кыттыылаахтара бары астыналларын курдук ис сурэ5иттэн иэйэн туран ыытта. Тумугэр кыайыылаа5ынан балыыьа хамаандата, 2-с дьаьалта, 3-с "Толон" хамаандалара буоллулар.Балыыьа хамаандатыгар коьоруллэ сылдьар кубок туттарылынна .Бириистэри нэьилиэкпит урбаанньыттара Егомина Л.Г., Ерилова А.П., Васильев А.Е. спонсордаатылар. Тэрээьин кэмигэр "Аламай урун кун анныгар" культура колледжын студентката Винокурова Ангелена туруорбут композициятын видеота коьуннэ, бырааттыы Мординовтар музейдарын уонна олохтоох библиотека быыстапкалара турдулар. Бу кун суруллубут сахалыы дьыктаан тумугун таьааран библиотекарь Борисова Н.В.дьыктааны саамай сопко суруйбут Рахлеева В.Т. , анал ааттары ылбыт Винокурова Л.В., Колесов Ф.Д. на5араадалаата .Манна дьа5атан эттэххэ бу курэххэ Рахлеева В.Т. уонна Власова М.В. билиилэринэн коруулэринэн кыттааччылары сохтордулэр. Бу тэрээьинтэн торообут тылбыт дэгэтин, кэрэтин сомсон, биир дойдулаахпыт ча5ылхай талааннаах суруйааччы, буойун-бэйээт Кулачиков С.Р. -Эллэй оло5ун, айымньыларын туьунан билбэтэхпитин билэн уорэн котон тар5астыбыт. Валентина Семеновна5а уонна тэрээьин кыттыылаахтарыгар махтал буоллун, торообут тылбытын оссо куускэ таптыа5ын, уорэтиэ5ин, сайыннырыа5ын!
Харбалаахтааҕы НАДь дириэктэрэ Светлана Винокурова
Саҥа 2019 сыллааҕы корпоратив түгэннэрэ
28.12.2018 Амма Аччыгыйын аатынан Харбалаахтааҕы үөрэхтээһин холбоһуга Саҥа Дьылы көрсөр үөрүүлээх тэрээһинин түгэннэрэ
13.11.2018 Таатта улууһа улуу Убайбыт П.А.Ойуунускай үрдүк өрөгөйдөөх үбүлүөйүн бэлиэтиир дьоро күнэ түстэннэ. П.А.Ойуунускай аатынан норуот театрыгар үөрүүлээх мунньаҕы Амма Аччыгыйын аатынан Харбалаахтааҕы үөрэхтээһин ситимин 4 кылааһын үөрэнээччилэрэ "Хоочугур уола Былатыан" дьүһүйүүнэн арыйдылар.
10.11.2018 Орто Амма нэһилиэгэр саха норуотун чулуу уола Былатыан Ойуунускай төрөөбүтэ 125 сылын үөрүүлээхтик бэлиэтиир дьоро киэһэ буолла. Үөрүүлээх чааска Харбалаахтааҕы үөрэх ситимин үөрэнээччилэрэ, уһуйаан иитиллээччилэрэ Ойуунускай хоһооннорун доргуччу аахтылар, хоһоонноругар суруллубут ырыалары ыллаатылар. Саха тылын учуутала В.С. Кривошапкина саха норуотун чулуу уолун туһунан кэпсээтэ. Ол кэнниттэн дьоро киэһэ кыттыылаахтара өрө көтөҕүллэн туран "Таатта эбэ үрдүгэр" ырыаны ньиргиччи ыллаатылар.
Салгыы тэрилтэлэр икки ардыларыгар Ойуунускай хоһооннорун бөлөҕүнэн ааҕыыга күөн күрэс буолла. Оҕо уһуйаанын коллектива "Мин бэркэ ытабын!" хоһоону ааҕан бастакы миэстэни ыллылар. Иккис ААО "Төлөн" коллектива "Ийэм Дьэбдьэкиэй уҥуоҕар..." хоһоону ис санаатын арыйан ааҕан ыллылар, тэрилтэ генеральнай директора П.Д. Рахлеев бэйэтинэн кыттыбыта үтүө холобур буолла. Үһүс бириистээх миэстэҕэ балыыһа коллективын хоһоонньуттара тигистилэр. Библиотекарь Надежда Борисова биктэриинэ тэрийдэ.
Комсомол 100 сыллаах үбүлүөйүнэн коллекционердар түмсүүлэрэ быыстапка тэрийдилэр
29.10.2018. Оскуола библиотекатын месячнигын үөрүүлээх аһыллыыта буолла
Алтынньы 25 күнэ, 2018с. Амма Аччыгыйа аатынан Харбалаахтааҕы үөрэх комплексыгар Комсомол 100 сыллаах үбүлүөйүнэн "Сулустаах эстафета" кэлэн ыалдьыттаан, комсомол туһунан олус элбэҕи, сонуну кэпсээн бардылар. Кинилэр ортолоругар бааллар: Райкомол бастакы секретара М.А. Ефимова, ветеран учуутал М.Н. Колесова, "Сайдыы" совхоз комскома Г.Е. Арылахова, Чычымах нэһилиэгин комсора Е.П. Васильева
12.10.2018с. Саха тылын уонна литературатын учуутала, педагогическай үлэ ветерана, СӨ үөрэхтээһинин ситимин бочуоттаах ветерана, “Учууталлар учууталлара” бэлиэ хаһаайына, СӨ Бочуоттаах кырдьаҕаһа, Дьохсоҕон нэһилиэгин Бочуоттаах олохтооҕо Кондратьева Анисия Прокопьевна 80 сааһыгар анаммыт саха тылыгар улуустааҕы олимпиада А.Е Кулаковскай аатынан Дьохсоҕон орто оскуолатыгар буолла.
27.09.2018 "ГБПОУ РС(Я) Харбалаахтааҕы үөрэхтээһин комплекса" Саха сирин Государственноһын күнүн бары үөрүүлээхтик түмсэн бэлиэтээтилэр. Саха сирин гимнин ньиргиччи ыллаан доргуттулар, ол кэнниттэн история учуутала А.Д. Соломонова бу күн историятын билиһиннэрдэ. Саха тылын учуутала В.С. Кривошапкина өрөспүүбүлүкэ саҥа баһылыга А.С. Николаев , Ил Түмэн саҥа састаабын туһунан кэпсээтэ
20.09.2018 "Тыа сирин эйгэтэ - саҥа сыһыан - тирэхтээх сайдыы" диэн тиэмэнэн балаҕан ыйынааҕы учууталлар сүбэ мунньахтара улуус үрдүнэн оскуолаларынан буола турар. Саҥа тэриллибит Харбалаахтааҕы үөрэхтээһин комплексыгар коллектив өрө көтөҕүллэн, П.А Ойуунускай "Сүүс сыллаах улуу былаан" айымньытыгар тирэҕирэн, эйгэ күүһүгэр олоҕуран, үөрэхтээһини сайыннарыы тула кэпсэтэн, саҥаны киллэриигэ бырайыактары оҥорон көмүскээтилэр
14.06.2018 нэһилиэк ыһыаҕа буолла. Уһуйар уолаттарым улуу Былатыан Ойуунускай хоһооннорун ааҕан, ыһыах үөрүүлээх чааһын саҕалаатылар. Улуус баһылыга М.М.Соров эҕэрдэ тылыгар "Уол оҕону сайыннарыыга кэмнэммэт кылаатын иһин барҕа махталбын тиэрдэбин, 30 сылы быһа бииртэн биир көлүөнэ ааҕааччылары таһааран иһэргин улуус салалтата кэтээн көрөбүт, ситимин быспат дьаныардаах үлэҥ ситиһиилээх буоллун!" -диэн бар дьон иннигэр үлэбин сыаналаан сүргэбин көтөхтө.
2018 сыл, ыам ыйын 25 күнэ. Улуустааҕы киин библиотека, "Таатта" хаһыат тэрийэн ыыппыт күрэхтэригэр оскуола үбүлүөйүгэр хомуйбут кинигэбит "2017 сыл бастыҥ кинигэтэ" ааты сүктэ
Үйэлээҕи уһансар
Үлэһит кыыспыт Валентина,
Тумус туттар дьоннорбут
Түөлбэлээн үөскээбит сирдэрин
Тарбахха баттанар бастыҥ
Талыы Таатта учууталларыттан
Биирдэстэрэ дэтэн, дьаныардаахтык
Баай сырдык дууһаһынан
Байҕал курдук кэрэни кэккэлэтэн,
Бар дьон туһугар кыһалла сылдьаргынан
Бары доҕотторун киэн туттабыт.
Кэнникитин историяҕа хаалар
Кэскиллээх дьоһун улэҕит
Күн сирин көрөн-сүрэхтэнэн,
Көмүс кылаат буолбутунан
Киэн тутта истиҥ эҕэрдэ ыытабын,
Сыралаах үлэҥ мэлдьитин
Ситиһии уктэллэнэ турдун,
Сырдык санааҥ куруутун
Сыдьаайар ыллыккын сырдаттын,
Сахалыы тобуллаҕас толкуйуҥ өрүү
Саргылааҕы-кэскиллээҕи түстээтин.
Диана Осипова,
2018 сыл, ыам ыйын 25 күнэ
2018 сыл, ыам ыйын 24 күнэ, тиһэх чуораан чугдаарда
05.05.2018
Алтыс кылаастарга төрөөбүт литература уруогар Тимофей Сметанин "Егор Чээрин" айымньытын ааҕан баран, сэрии иэдээнин туһунан кэпсэппиппит түмүгэр, оҕолор бэйэлэрэ тыл көтөҕөннөр, Кыайыы болуоссатын остуолбаларын кырааскалаатыбыт. Оҕолор “нэһилиэккэ туһалаах дьыаланы оҥордубут” диэн астыннылар аҕай, үөрүү- көтүү бөҕө буоллулар.
20.04.2018 П.Г. Колотинскай төрөөбүтэ 90 сылын көрсө, кини олоҕун, айар үлэтин үтүө холобуругар уол оҕону уһуйууга «УОЛ ОҔО БАРАХСАН!” тэрээһин
Тэрээһин былаана:
1.Үөрүүлээх чаас (тэрээһини арыйыы)
2.Оҕолорун билиһиннэрии
3.Олоҕун сырдатыы
4 Кыыһа Августина Петровна Кулачикова тыл этиитэ
5.”Уол оҕо барахсан” күөн күрэс бастакы түһүмэҕэ: “Уоттаах күөстээх тыл этиитэ”
6. “Олоҕу таптыаҕыҥ!” - Петр Гаврильевич Колотинскай хоһооннорун ааҕыыга күөн күрэс
7.”Оҕо-оҕо эрдэххэ” –сынньалаҥ кэмигэр оонньуу Гаврил Петрович Колотинскай тэрийэр
8. Күөн күрэс түмүгүн таһаарыы
9.Муҥутуур кыайыылаахха П.Г. Колотинскай аатынан стипендияны туттарыы.
Сэттис кылаас үөрэнээччитэ Антон Мазинцев П.Г.Колотинскай аатынан бастакы стипендиат буолла
22.03.2018 Ытык Күөл. П.А. Ойуунускай аатынан Таатта театрын олоҥхо түһүлгэтигэр Орто Амма нэһилиэгин Бочуоттаах олохтооҕо, сэрии уонна үлэ бэтэрээнэ, норуот талааннааҕа, олоҥхоһут Мэхээлэ Дьарааһынабыс Суорап "Үөлэн Нүрүйэ" олоҥхотун кинигэтин биһирэмэ буолла. Мин 1993 сыллаахха бу олоҥхоҕо бастакынан сыанабыл суруйбут эбиппин
16.02.2018. Оскуоланан, нэһилиэгинэн Ойуунускай сылын аһыллыытын ыыттыбыт. Нэһилиэккэ үгэс курдук "Былатыан Ойуунускай - саха норуотун чулуу уола" ток-оонньуу ыыттым, 4 улахан тэрилтэ кытынна, "Төлөн" чох карьерын хамаандата бастаата, "Кэскил" оҕо уһуйаанын иитээччилэрэ - иккис, Хаандыгатааҕы ГГТ филиалын коллектива – үһүс миэстэ буоллулар.
2018 сыл, олунньу 13 күнэ, Саха тылын, суругун-бичигин күнэ
2018 сыл олунньу 9 күнүгэр Таатта улууһун Туора Күөл орто оскуолатыгар саха советскай литературатын төрүттээччи П.А.Слепцов-Ойуунускай төрөөбүтэ125 сылыгар уонна саха народнай суруйааччыта В.С.Яковлев - Далан төрөөбүтэ 90 сылыгар аналлаах "Эрчим" улуустааҕы уоланнар уус-уран ааҕыыларыгар үс кылаас уолаттарын бөлөхтөрө кытыннылар. 4 кылаастар "Туйаарар туойбута", 5 кылаастар "Мин бэркэ ытабын!", 6 кылаастар "Сүүс сыллаах улуу былаан" айымньылары ааҕан ситиһиилээхтик кытыннылар. 6 кылаас уолаттара Лауреат үрдүк аатын ылары ситистилэр
Олунньу 4 күнэ, 2018 сыл. Өрөспүүбүлүкэтээҕи төрөөбүт литература олимпиадатыгар кыттар үөрэнээччилээх учууталлар
2018 сыл, тохсунньу 9-22 күннэрэ
7 кылааска үөрэтэр оҕолорум "Полярная звезда" оҕо телерадио академията тэрийбит "Төрөөбүт дойду" үөрэтэр-сайыннарар, доруобуйаны чэбдигирдэр тууругар баран, элбэҕи билэн-көрөн, араас телевизорынан биэриилэргэ кыттан, "Хоочугур уола Былатыан" дьүһүйүүлэрин ааҕан, дьон кэрэхсэбилин ылан, үөрэн-көтөн кэлэн үөртүлэр.
2018 сыл, тохсунньу ый 19 - оскуолаҕа амма аччыгыйын күнэ
Үгэс быһыытынан, оскуолабытыгар "Амма Аччыгыйын күнэ" ыытылынна. Кылаастар Н.Е.Мординов-Амма Аччыгыйын олоҕор, айар үлэтигэр аналлаах кылаас чаастарын ыыттылар. Уоскулаҥ кэмигэр Амма Аччыгыйын туһунан радионан анал биэриилэр буоллулар. Онно 6 кылаас үөрэнээччилэрэ Күннэй Корякина, Петя Колодезников киэн туттар биир дойдулаахпыт олоҕун сэһэнин сорох түгэннэрин кэпсээтилэр. 8 кылаас үөрэнээччилэрэ Анита Бабанова, Валерия Кузьмина суруйааччы ох тылларыгар аналлаах биэриини бэлэмнээн билиһиннэрдилэр. "Үс быраат Мординовтар" музей сэбиэдиссэйэ С.А.Васильева актовай залга 8-11кылаас үөрэнээччилэригэр музей матырыйаалларыгар олоҕуран, сэргэх тэрээһини ыыппытын оҕолор сэҥээрдилэр.
16.12.2017 харбалаахтааҕы култуура киинин 50 сыллаах үбүлүөйүгэр ынырыллан сырыттым
12.12.2017 Бу күн Харбалаах оскуолатыгар кырыа кыһын тымныытын аахсыбакка, нэһилиэк кырдьаҕастара кэлэн ыалдьыттаатылар. Кылаас чаастарыгар сылдьан олохторун, үлэлэрин кэпсээтилэр, сүбэ-соргу тылларын үүнэр көлүөнэ ыччакка анаатылар. Оҕолор ырыа ыллаан, бэйэлэрэ суруйбут хоһооннорун ааҕан ыалдьыттары сэргэхситтилэр. Түмүккэ ыалдьыттары кытта хаартыскаҕа түһүү буолла
2018 сыл үбүлүөйдээхтэрэ: Николай Якутскай - 110, Далан - 90, Николай Лугинов - 70, Ойуунускай - 125, Күндэ - 120, Арбита - 105, Алтан Сарын - 120
2017 сыл ахсынньы 9 күнүгэр Чымнаайыга Бэс Дьарааһын- Г.Д.Бястинов төрөөбүтэ 115сылыгар аналлаах ааҕыылар буоллулар. Онно ыраахтан- чугастан суруйааччы хаан уруу аймахтара муһуннулар, ХИФУ-ттан, суруйааччылар союзтарыттан ыалдьыттар кэлэн, тэрээһин таһымын үрдэттилэр.
Харбалаах үөрэнээччилэрэ кэккэ ситиһиилэннилэр. Ол курдук, И,Р. Бястинова бэлэмнээбит үөрэнээччилэрэ Юлиана Бястинова, МишаБястинов дакылаакка лауреат, 2 миэстэ буоллулар. Эдэр учуутал А.Д. Соломонова үөрэнээччитэ С.Куулар бэйэ суруйбут хоһоонун күрэҕэр 1 миэстэ, дакылаакка Л. Кузьмина номинация ылан үөрдүлэр. Сергеева Н.В. уһуйааччыта Аня Сергеева айбыт хоһоонун ааҕан номинация ылла
Мин үөрэнээччилэрим Арина Уварова бэйэ хоһоонугар 2 миэстэ, Саша Андросов "Кэрэни кэрэхсээччи» номинация кыайыылааҕа буоллулар.
Суруйааччы Бэс Дьарааһын аата куруук ааттана,айар үлэтэ кэрэхсэнэ турдун!
Ахсынньы 4 күнэ, 2017 сыл. Өксөкүлээх Өлөксөй 140 сылын түмүктүүр республика общественноһын торжественнай мунньаҕа Суорун Омоллоон аатынан Государственнай Опера уонна балет театрыгар буолла
"Олоҥхо атыгар мэҥэстэн" улуустааҕы этнопедагогическай ааҕыы, 25.11.2017
2017 сыл сэтинньи 25 күнүгэр философскай наука кандидата А.С. Попова төрөөбүтэ 70 сылыгар аналлаах "Олоҥхо атыгар мэҥэстэн" улуустааҕы этнопедагогическай ааҕыы Г.Д. Бястинов аатынан Чымнаайы орто оскуолатыгар бэрт тэрээһиннээхтик ыытылынна. Ыраахтан-чугастан Акулина Серафимовна айар, чинчийэр үлэтигэр сүгүрүйээччилэр кэлэн, истиҥ-иһирэх ахтыы оҥорбуттарын улуус кэнчээри ыччата кэрэхсээн иһиттэ. Олоҥхону чинчийиигэ сөҕүмэр үлэтин истэн, олоҥхону үөрэтиигэ үтүө холобур оҥостоллоругар тирэх уурулунна.
Бу НПК чэрчитинэн ыытыллыбыт А.С. Попова хоһооннорун уус-уран ааҕыы күрэҕэр, бөлөҕүнэн ааҕыыга уһуйар 6-с кылааһым уолаттара "Төрөөбүт дойдубар" хоһоонун ааҕан, 1 миэстэни ыллылар. Дьоро күн сахпыт кыыма кэҥээн, сайдан иһиэхтин.
2017 сыл алтынньы 2 күнүгэр СВФУ бочуоттаах профессора, доцент, "Гражданскай Килбиэн" бэлиэ хаһаайына Галина Авксентьевна Мординова оскуолабытыгар ыалдьыттаата. Пединститут бастакы ректора И.П.Жегусов туһунан кинигэни билиһиннэрдэ. Аҕатын А.Е.Мординовы кытта үлэлээбиттэрин туһунан олус истиҥник кэпсээбитин оҕолор умсугуйан олорон иһиттилэр. Выпускникпыт И.И.Корякин үөрэммит оскуолатыгар бэлэхтээбит "Үс быраат Мординовтар" үлэтин олус астынна, хас биирдиилэрин майгытын ураты харахтерын олус табан суруйбут диэн бэлиэтээтэ
УЛУУС ОЛОҔО: ТААТТА НЭҺИЛИЭКТЭРИГЭР ОЛОҔУ, САЙДЫЫНЫ ДЬАХТАЛЛАР МУОҺАЛЫЫЛЛАР. АВТОР ЯСИА, 19.09.17
“Тыа сирин дьоно духуобунай өттүнэн байарга олус баҕалаахтар”, — диир саха тылын учуутала, “Сардаҥа” дьахтар сэбиэтин биир көхтөөх чилиэнэ Валентина Семеновна Кривошапкина. Салгыытын ЯСИА көр
Суруйааччылар үбүлүөйдэринэн, атын да бэлиэ түгэннэринэн элбэх хаһыат таҕыста. Маннык тэрээһиҥҥэ, бастатан туран, оҕолор төрөппүттэрин, эбэлэрин-эһэлэрин, үлэһит буолбут убайдарын, эдьиийдэрин, атын аймах дьоннорун болҕомтолорун тардаллар. Онон, оҕону иитиигэ, үөрэтиигэ оруола улахан. Валентина Семеновна бэйэтин дьиэ кэргэнэ тэҥҥэ үлэлэһэр. Кыргыттара бары үлэһиттэр, ийэлэригэр күүс-көмө буолаллар. Онон, уонча сыл устата тохтоло суох дьиэ кэргэн хаһыаттарыгар куонкурсу үбүлээн кэллилэр. Салгыы
НВК "ОЛОХ ҮӨҺҮГЭР" ПЕРЕДАЧАТА, МУУС УСТАР 4 КҮНЭ, 2017 СЫЛ
УЛУУ КИЬИ, САХА СААРЫНА ӨКСӨКҮЛЭЭХ ӨЛӨКСӨЙ ТӨРӨӨБҮТ КҮНҮГЭР
Саха литературатын төрүттээччи Алексей Елисеевич Кулаковскай-Өксөкүлээх Өлөксөй 1877 сыллаахха кулун тутар 4 (16) күнүгэр Таатта улууһугар төрөөбүтэ. Кини бастакы айымньытын, "Байанай алгыһын" 1900 с. суруйбута. Ити сыл саха суругунан литературатын төрүттэммит сылынан ааҕыллар.
НВК Саха “Үчүгэйиэн бу сиргэ” кулун тутар 3 күнүнээҕи биэрии ыалдьыттара – Таатта улууһун Харбалаах орто оскуолатын саха тылын, литературатын учуутала, РФ Үөрэҕириитин Бочуоттаах үлэһитэ Валентина Кривошапкина, Дьохсоҕон орто оскуолатын саха тылын, литературатын учуутала, РФ Үөрэҕириитин Бочуоттаах үлэһитэ Галина Давыдова, бу оскуола саха тылын, литературатын учуутала, СӨ Үөрэҕириитин туйгуна Мария Сивцева, оскуола дириэктэрэ Василиса Петрова, Таатта улууһун натуралистар станцияларын үлэһитэ, эбии үөрэхтээһин учуутала Юрий Слепцов. Ону таһынан Өксөкүлээх Өлөксөй улахан сиэнэ, “Доҕордоһуу” заповедник-музей бочуоттаах дириэктэрэ, РФ Култууратын үтүөлээх үлэһитэ Раиса Кулаковская, Өксөкүлээх Өлөксөй хос сиэнэ “Доҕордоһуу” заповедник-музей дириэктэрэ СӨ Култууратын туйгуна Степан Охлопков, Өксөкүлээх Өлөксөй сиэнэ, ХИФУ А.Е. Кулаковскай институтун дириэктэрэ, Саха АСССР Култууратын үтүөлээх үлэһитэ, СӨ Наукаларын академиятын бочуоттаах академига Людмила Кулаковская, СӨ Бырабыыталыстыбатын каадыр бэлиитикэтин государственнай уонна муниципальнай сулууспатын департаменын салайааччытаАндрей Мартынов, Таатта улууһун “Амма нэһилиэгэ” муниципальнай тэриллии баһылыга Степан Соров, “Таатта улууһа” муниципальнай тэриллии баһылыгын солбуйааччы Изабелла Сивцева.
Өксөкүлээх Өлөксөй чугас дьонун-сэргэтин, айар үлэтин туһунан кэпсэттилэр. Уонна, биллэн турар, үбүлүөйдээх сылыгар туох, ханнык тэрээһиннэр буолалларын билсиһиннэрдиллэр.
Н.Е. Мординов аатынан Харбалаах орто оскуолатын 4 кылааһын үөрэнээччиллэрэ Өксөкүлээх Өлөксөй хоһоонун аахтылар.
А.Е.КУЛАКОВСКАЙ ТӨРӨӨБҮТЭ 140 СЫЛЫНАН РЕСПУБЛИКА ОБЩЕСТВЕННОҺЫН ҮӨРҮҮЛЭЭХ МУННЬАҔЫН АРЫЛЛЫЫТЫГАР КЫТЫННЫБЫТ
КИНИГЭ БЭЛЭХ ТУТТУМ
Убаастыыр, ытыктыыр салайааччым Саха сирин үөрэҕириитин Үтүөлээх үлэһитэ, Россия үөрэҕириитин бочуоттаах үлэһитэ Атос Реасович Кулаковскай туһунан «Атос Кулаковскай» диэн кинигэни Норуот үөрэҕириитин туйгуна, бэтэрээн учуутал Рива Реасовна Кулаковская истиҥ, иһирэх тыллаан бэлэх ыыппытын тутан, долгуйа үөрдүм.
Үөрдүм, киһи кэрэмэһин, салайааччы, учуутал бастыҥын туһунан олус истиҥ, дириҥ ис хоһоонноох кинигэ тахсыбытыттан.
Үөрдүм, саха аҕам дьоно улуу суруйааччыбыт оҕолоро, сиэннэрэ туох дьон-сэргэ буолбуттарын көмүскүү-харыһыйа, сэҥээрэ, сэмээр күүтэр ыйытыктарыгар астыннарар эппиэт-кинигэ күн сирин көрбүтүттэн.
Үөрдүм, улуу Өксөкүлээх сыдьаанын салҕааччы биир сырдык уобарас туһунан ыччат дьон ааҕан холобур оҥостор кинигэ буолан тарҕаммытыттан.
Кинигэни тапталлаах кэргэнэ М.С.Кулаковская, кыыһа В.А. Кулаковская, О.С.Лихоманова хомуйан оҥорбуттар. (Салгыытын хаҥас файлга аах)
Нэһилиэккэ төрөөбүт тыл күнэ (Олунньу 13 күнэ, 2015 с.)
